Më 29 shtator 2026, Qendra për Veprime Afirmative Sociale – CASA dhe Space/s for Societal Change, organizuan një darkë pune me përfaqësues të komunitetit diplomatik në Prishtinë, në kuadër të nismës “Nga ‘Integrimi i serbëve të Kosovës’ drejt një Kontrate të Re Shoqërore për një Kosovë vërtet multietnike”, të financuar nga Ambasada e Mbretërisë së Holandës në Kosovë.
Darka ofroi mundësi për një shkëmbim joformal dhe konstruktiv mbi zhvillimet aktuale sociopolitike me rëndësi për një Kosovë demokratike dhe multietnike, si dhe mbi sfidat dhe mundësitë për forcimin e dialogut dhe kohezionit shoqëror.
CASA dhe Space/s ndanë gjithashtu informacione të përditësuara mbi aktivitetet e vazhdueshme të nismës dhe rezultatet e Forumit të Kontratës së Re Shoqërore me temën “Bashkëpunimi ndërkomunal, një tipar thelbësor i vetëqeverisjes lokale në Kosovë që ka mbetur i pazhvilluar”, të mbajtur më herët gjatë asaj dite.
Diskutimi trajtoi gjithashtu rëndësinë e zhvillimit të një perspektive të kontratës shoqërore në kuadër të dialogut politik dhe krijimit të hapësirës për një dialog kuptimplotë ndërmjet serbëve të Kosovës dhe shqiptarëve për një të ardhme të përbashkët, përfshirë edhe përmes mekanizmave më të fuqishëm të vetëqeverisjes lokale dhe decentralizimit demokratik.
CASA u shpreh mirënjohjen e saj të gjithë pjesëmarrësve për angazhimin e tyre dhe për kontributin në një shkëmbim të hapur dhe konstruktiv.
