Autorët: Nora Bezera, Ines Aloviq (Ines Aljović), Miodrag Marinkoviq (Miodrag Marinković)
Publikimi “Leksikon i fjalëve të cilave nuk u nevojitet përkthimi” i rendit më shumë se 450 fjalë
që përdoren edhe në gjuhën serbe, edhe në atë shqipe, e jep kontekstin dhe prejardhjen historike
të fjalëve të përzgjedhura, duke i ilustruar lidhjet kulturore dhe historike mes serbëve dhe
shqiptarëve të Kosovës.
Publikimin mund ta shkarkoni këtu.
Qytetarët në politikë
Hulumtimi Qytetarët në politikë
Qëllimi kryesor i këtij hulumtimi është analiza e praktikave dhe modaliteteve ekzistuese të
aktivizmit politik brenda komunitetit serb në Kosovë. Në kontekstin e hulumtimit, nocioni
aktivizmi politik është interpretuar si proces i mbrojtjes së interesit të qytetarëve përmes
angazhimit në partitë politikë ose përmes proceseve politike (për shembull fushata aktive
zgjedhore, nismat qytetare etj.). Në mënyrë tematike, hulumtimi i shqyrton tri (3) aspekte të këtij
procesi. Pjesa e parë e hulumtimit ka të bëjë me perceptimet e qytetarëve (të komunitetit serb në
Kosovë) për veprimtarinë politike (profesionale ose përmes aktivizmit qytetar). Fokusi i kësaj
pjese të hulumtimit ishte identifikimi i pengesave dhe mundësive për përfshirje më aktive të
qytetarëve në proceset vendimmarrëse në nivel lokal dhe qendror. Aspekti i dytë i hulumtimit i
analizon praktikat mbizotëruese të përfaqësuesve politikë të komunitetit serb ndaj përfshirjes
(dhe konsultimit) së qytetarëve në marrjen e vendimeve që janë të rëndësishme për jetën e tyre.
Në pjesën e fundit, hulumtimi e analizon dinamikën e marrëdhënieve ndërmjet qytetarëve dhe
përfaqësuesve të tyre politikë, duke u fokusuar në modelet e bashkëpunimit mes organizatave të
shoqërisë civile me politikanë dhe përfaqësues të pushtetit.
Hulumtimi është kryer në kuadër të nismës OPEN. “Demokracia, perspektiva e hapjes së
komunitetit serb në Kosovë – OPEN” është një nismë e re e Fondacionit të Kosovës për Shoqëri
të Hapur (KFOS), e filluar në vitin 2020. OPEN realizohet në bashkëpunim me nëntë organizata
të shoqërisë civile që veprojnë në komunitetin serb në Kosovë.
