Në kuadër të projektit Agjentët kreativë të paqes dhe përfshirjes sociale, nga 27 deri më 31 gusht në Prizren u mbajt një trajnim katërditor, i cili mblodhi 20 të rinj artistë dhe aktivistë të shoqërisë civile, 10 nga jugu i Serbisë dhe 10 nga veriu i Kosovës. Programi ishte konceptuar për të forcuar kohezionin e grupit, ndërtimin e besimit dhe prezantimin e bazave të angazhimit qytetar.
Gjatë trajnimit, pjesëmarrësit morën pjesë në punëtori interaktive që i inkurajuan të zbulojnë vlerat e përbashkëta, të kapërcejnë pengesat dhe të lidhen përtej dallimeve. Përmes ushtrimeve si “Mobilizimi i vlerave të përbashkëta” dhe “Sfida e urës”, ata eksploruan atë që i bashkon dhe mënyrat se si bashkëpunimi mund të ndërtohet mbi besim. Një theks i veçantë iu kushtua fuqisë së tregimeve personale dhe organizimit të komunitetit, përmes aktiviteteve si “Pse tregojmë histori”, “Rrethet e tregimeve” dhe shkrimi i narrativave të tyre. Programi përfundoi me reflektime kolektive, shprehje mirënjohjeje dhe planifikimin e hapave të ardhshëm.
Metodologjia e profesorit Marshall Ganz nga Universiteti i Harvardit, e bazuar në të mësuarit përmes tregimeve personale, ushtrimeve interaktive dhe reflektimit, krijoi një ambient të sigurt dhe gjithëpërfshirës ku pjesëmarrësit mund të shprehnin veten lirshëm. Ky qasje jo vetëm që forcoi empatinë dhe bashkëpunimin, por pati edhe një ndikim transformues mbi grupin, duke i ndihmuar pjesëmarrësit të e shohin veten si agjentë kreativë të ndryshimeve në komunitetet e tyre.
Për shumë prej tyre, përvoja në Prizren ishte transformuese: ata u larguan me miqësi të reja, vetëbesim më të fortë dhe ndjenjën se janë pjesë e një udhëtimi të përbashkët. Ishte një rikujtim se arti, kur kombinohet me angazhimin qytetar, mund të hapë hapësira për empati, bashkëpunim dhe ndryshime shoqërore.
Ky trajnim është vetëm fillimi. Në sesionet e ardhshme, pjesëmarrësit do të vazhdojnë të ndërtojnë mbi këtë bazë, duke zhvilluar iniciativat e tyre ku kreativiteti, arti dhe aktivizmi bashkohen për të promovuar paqen, përfshirjen dhe bashkëpunimin në komunitetet e tyre.
Projekti agjentët kreativë të paqes dhe përfshirjes sociale zbatohet nga OJQ CASA dhe CDE Dolina, me mbështetjen e Ministrisë së Punëve të Jashtme të Gjermanisë përmes ifa – Institutit për Marrëdhënie me Jashtë, Programit të Financimit Zivik.
