Barabar Centre fton të gjithë artistët e rinj të artit pamor të jenë pjesë e projektit ‘ArtSphere’. Objektivi i projektit është të krijojë një mjedis që promovon rritjen dhe njohjen e artistëve të rinj në Kosovë.
Ky projekt parasheh organizimin e një ekspozite shitëse e cila do të kurohet dhe vendoset në hapësirat e Barabar Centre në Hotel Grand, dhe zhvillimin e një ekspozite shitëse online.
Barabar Centre me profesionistët e fushës do të marrin përsipër:
– Selektimin e punimeve artistike
– Kurimin, organizimin, promovimin dhe mirëmbajtjen e ekspozitës fizike dhe online
– Lehtësimin e shitjes së punimeve artistike
Në anën tjetër, të gjitha mjetet do t’i marrin artistët nga shitjet e punimeve të tyre.
Të gjithë të interesuarit duhet të dërgojnë në office@ngocasa.org:
– Fotografitë e deri në tre punimeve (pikturë, skulpturë, fotografi artistike)
– Specifikat e punimeve të dërguara
– CV
Kjo thirrje është e hapur nga data 10 deri 25 maj 2023.
Ky projekt implementohet nga Barabar Centre, Integra dhe Casa, dhe mbështetet nga Swiss Cooperation Office në Kosovë.
